- 47 -

1392. Februar 16.

Ruda et Stanicz sentencia.

IN Christi nomine Amen. Cum pridem coram Nobis . . Georgio Fulschussil Canonico Othmuchouiensi et Officiali Wratislauiensi inter Discretum virum dominum Nicolaum plebanum in Stanicz suo et dicte ecclesie sue nominibus Actorem ex una, et Religiosos viros et fratres Abbatem et Conventum Monasterij in Ruda ordinis Cysterciensis Reos ex altera, super infrascriptis libellis convencionali et reconvencionali exorta fuisset materia questionis, quorum tenores sequuntur, et primo convencionalis huiusmodi sub tenore:
Coram vobis honorabili viro domino . . Georgio Fulschussil Canonico Othmuchouiensi et Officiali Wratislauiensi Proponit procurator et procuratorio nominibus discreti viri domini Nicolai plebani in Stanicz et sue ecclesie contra Venerabilem dominum Abbatem et . . Conventum Monasterij in Ruda et contra quamlibet personam pro eis in Iudicio legittime intervenientem cum querela et dicit, Quod licet ville, videlicet villa que dicitur Ianicowicz et villa que dicitur Ruda Cosiliensis, ac eciam agricoltores omnes et singuli villarum predictarum sunt et fuerunt infra limites ecclesie supradicte et a prefato domino Nicolao et suis predecessoribus percipiunt ac perceperunt ecclesiastica tam voluntaria quam necessaria sacramenta, Quamvis eciam a x. xx, xxx. xl. 1. lx. annis citra et ultra et a tempore et per tempora de cuius inicio memoria hominum non existit, decime campestres manipulatim per omnes agricoltores villarum predictarum ad dictum dominum Nicolaum ac suos predecessores nomine ecclesie predicte pertinuerunt, spectaverunt, pertinere et spectare consueverunt et adhuc spectant et pertinent ad ecclesiam supradictam et ad predecessores qui fuerunt pro tempore, fuerunt eciam dicti predecessores dicti domini Nicolai in pacifica possessione percipiendi, tollendi et habendi in dictis villis ipsorumque agris et agricoltoribus predictas decimas Campestres ab inicio ut predicitur cuius in contrarium memoria hominum non extitit, Tamen dicti , . Abbas et . . Conventus falsa suggestione decepti cum ad eos nulla racione pertineat recepcio decimarum omnium fructuum excrescencium in et de agris ibidem, ausu temerario ac sacrilego iam septem annis violenter invaserunt, occupaverunt et pro se rapuerunt et de eisdem decimis dictum dominum Nicolaum ac eius ecclesiam nequiter spoliaverunt et adhuc spoliant, ipsas decimas Campestres in usus proprios convertunt et converti faciunt, que decime per predecessores dicti domini Nicolai in villis supradictis pro decem marcis grossorum pragensium polonici numeri singulis annis vendebantur ac eciam decem marcas valent, impediunt ac impedire faciunt quominus dictus dominus Nicolaus suo ac sue ecclesie nominibus percipere et libere possidere possit easdem et eorum fructus in dicti domini Nicolao ac sue ecclesie preiudicium non modicum et gravamen. Quare petit procurator et procuratorio nominibus quibus supra per vos et vestram diffinitivam sentenciam pronuncciari, declarari ac decerni antedictas villas videlicet villam Ianicowicz et villam que dicitur Ruda Cosiliensis, ac eciam agricoltores omnes et singulos villarum predictarum esse et fuisse infra limites ecclesie supradicte, Ipsosque agricultores villarum predictarum a pretacto domino Nicolao ac suis predecessoribus ecclesiastica sacramenta tam necessaria quam voluntaria recepisse, prefatasque decimas ac possessionem earumdem a x. xx. xxx. xl. 1. lx. annis citra et ultra et a tempore et per tempora de cuius inicio memoria hominum non extitit, per omnes agricoltores villarum predictarum ad dictum dominum Nicolaum ac predecessores suos nomine ecclesie predicte pertinuisse, spectasse, pertinere et spectare consuevisse, et adhuc spectare et pertinere ad ecclesiam supradictam, predecessores eciam domini Nicolai predicti in pacifica possessione percipiendi, tollendi et habendi in dictis villis ipsorumque agricultoribus pretactas decimas Campestres ab inicio ut predicitur cuius in contrarium memoria hominum non extitit fuisse, Ipsosque . . Abbatem et . , Conventum cum ad eos nulla racione pertineat recepcio decimarum omnium fructuum excrescencium in et de agris ibidem ausu temerario sacrilego iam septem annis violenter invasisse, occupasse et pro se rapuisse, et de eisdem decimis dictum dominum Nicolaum ac eius ecclesiam nequiter spoliasse, Ipsas eciam decimas in usus proprios convertisse pretactasque decimas per predecessores dicti domini Nicolai in viliis predictis pro decem marcis grossorum pragensium vendidisse atque valuisse, Ipsosque Abbatem et . , Conventum impedivisse quominus dictus dominus Nicolaus suo ac ecclesie sue nominibus percipere et libere possidere possit easdem et earum fructus, Et ob hoc pretactis Abbati et Conventui earundem villarum super predictis decimis et earum percepcionibus et impedimentis, occupacionibus, usurpacionibus et spoliacionibus predictis perpetuum silencium imponendum fore et imponi debere, easdemque decimas pretacto domino Nicolao ac suis successoribus adiudicandum fore et adiudicari debere necnon eosdem Abbatem et Conventum ad reddendum, restituendum, dandum et solvendum dicto domino fructus dictarum decimarum per ipsos ut predicitur perceptos et usurpatos se si extunc (sic) Alioquin earum valorem quem dominus Nicolaus estimat ad summas predictas quolibet anno condempnandos, conpellendos fore, condempnari effectualiter et conpelli vestra diffinitiva sentencia mediante. Premissa et quodlibet premissorum petit procurator antedictus modo via forma melioribus quibus potest cum litis expensis iam factis, de imposterum faciendis protestans, Salvo iure addendi, minuendi, corrigendi, declarandi, interpretandi et alium libellum de novo dandi ceterisque iuris beneficijs in omnibus semper sibi salvis.
Item tenor libelli reconvencionalis sequitur et est talis: Coram vobis honorabili viro domino . . Georgio Fulschussil Canonico Othmuchouiensi et Officiali Wratislauiensi Proponit procurator et Sindicus procuratorio et Sindicatus nominibus Venerabilis et Religiosorum virorum Petri . . Abbatis et . . Conventus in Ruda ordinis Cysterciensis ipsorum et dicti sui Monasterij nominibus contra dominum Nicolaum plebanum in Stanicz et quamlibet personam pro ipso in Iudicio legittime intervenientem, et dicit reconveniendo, Quod licet decime campestres in, de et super villis et agris dictis Iancowicz, villa Ruda Cosiliensi ac earumdem agricultoribus ad dictos dominos . . Abbatem et . . Con-ventum et ipsorum Monasterium per longa tempora puta a primevo tempore fundacionis ipsius Monasterij legittime pertinuerint, spectaverint, pertinere et spectare consueverint, hodieque ad eosdem pertinent atque spectant, fuerintque dicti . . Abbas et . . Conventus ipsorumque Monasterium in possessione percipiendi, tollendi et habendi in dictis villis ipsarumque agris et agricultoribus decimas campestres predictas a longis retroactis temporibus pacifica et quieta, salva arrestacione seu molestacione subscriptis, tamen predictus dominus Nicolaus, quo ductus spiritu nescitur, dictum dominum . . Abbatem et eius . . Conventum seu ipsorum Monasterium impedit, perturbat et molestat, fecit et facit quominus possessione dictarum decimarum pacifice et quiete perfrui valeant et gaudere. Quare petit procurator predictus nomine quo supra per vos et vestram diffinitivam sentenciam pronuncciari, declarari et decerni, decimas campestres in, de et super villis et agris dictis Iancowicz, villa Ruda Cosiliensi ac earumdem Agricultoribus ad dictos dominos . , Abbatem et . . Conventum et ipsorum Monasterium per longa tempora puta a primevo tempore fundacionis ipsius Monasterij legittime pertinuisse, spectasse, pertinere et spectare consuevisse. dictosque dominos . . Abbatem et . . Conventum et ipsorum Monasterium fuisse in possessione percipiendi, tollendi et habendi in dictis villis ipsorumque agris et agricultoribus decimas campestres predictas a longis retroactis temporibus pacifica et quieta, prefatumque dominum Nicolaum dictum dominum , . Abbatem et eius Conventum seu ipsorum Monasterium impedivisse, perturbasse et molestasse, fecisse et facere quominus possessione dictarum decimarum pacifice et quiete (perfrui) valeant et gaudere. Et ob hoc prenominatum dominum Nicolaum, ut a predictis impedimentis, perturbacionibus, molestacionibus, et arrestacionibus indebitis cesset et desistat, conpescendum fore et eciam conpesci, ipsique domino Nicolao perpetuum silencium super predictis impedimentis, arrestacionibus, molestacionibus imponendum fore et eciam inponi, et dictas decimas ipsis Abbati et Conventui adiudicandas fore et adiudicari debere, condempnandum fore et condempnari vestra diffinitiva sentencia mediante cum litis expensis iam factis, de faciendis autem imposterum protestatur. Salvo iure addendi, minuendi, corrigendi, declarandi, interpretandi et aliis iuris remedijs in omnibus sibi salvis.
Lite quoque ad libellum convencionalem in scriptis negative pure, sed ad libellum reconvencionalem verbo et negative hinc inde contestata, Iuramento calumpnie hinc et inde subsecuto. Tandem nonnullis Posicionibus et articulis a dictis partibus adversus invicem mutuo oblatis et productis, Responsionibus factis hinc et inde ad easdem, Postremo pro parte domini Nicolai plebani super Articulis negatis nonnullis testibus, sed pro parte dictorum Abbatis et Conventus super Articulis negatis similiter nonnullis testibus et quadam littera sive privilegio adversus invicem ad probandum inductis, quibus testibus et littera rite receptis, examinatis et ipsorum dictis sive Attestacionibus hinc et inde sollempniter publicatis, debitis protestacionibus a Sindico et procuratoribus dictarum parcium de Iure excipiendi contra dicta et personas testium pro parte domini plebani in Stanicz inductorum fuerat per Sindicum dictorum Abbatis et Conventus, et econverso contra dicta et personas testium pro parte reorum predictorum inductorum fuerat per procuratorem domini plebani adversus invicem in scriptis exceptum. Quam inquam excepcionem pro parte dictorum . . Abbatis et . . Conventus oblatam Sindicus dictorum . . Abbatis et . . Conventus ad probandum admitti petivit, certis Iuris informacionibus super dicta excepcione admittenda nobis presentatis, quibus visis et per nos ponderatis interloquendo admisimus dictam excepcionem ad probandum, datisque super eadem nonnullis Posicionibus et Articulis pro parte Abbatis et Conventus predictorum huiusmodi sub tenore:
Ad probandum excepcionem pro parte Venerabilis et Religiosorum virorum dominorum . . Abbatis et . . Conventus Monasterij in Ruda ordinis Cysterciensis et contra testes et eorum dicta pro parte domini Nicolai plebani in Stanicz generaliter oblatam Sindicus et procurator dictorum Abbatis et Conventus dat, facit et exhibet posiciones et articulos infrascriptos, petens sibi per partem adversam medio Iuramento personaliter responderi. Inprimis quidem ponit, et si negatum fuerit probare intendit, quod tercius testis Adam nunccupatus pro parte qua supra et partem contra quam productus, se dicit subditum domini . . Abbatis Monasterij in Ruda. hoc est publicum notorium atque verum. Item ponit ut supia: Quod dictus Adam non domini Abbatis supradicti sed domini ducis Rathiboriensis subditus existit, hoc est manifestum, notorium atque verum. Item ponit ut supra: Quod Adam supradictus se dicit parrochianum domini Nicolai plebani in Stanicz ipsius producentis est publica vox et fama. Item ponit ut supra: Quod non domini producentis sed plebani in Lysyk subditus existat palam publice et notorie. Item ponit ut supra: Quod ex premissis concluditur testem predictum falsa dixisse et per consequens ei fidem non fore aliquatenus abhibendam, hoc est manifestum et verum. Item ponit ut supra: Quod supradictus Adam Centenarius existat, hoc est publica vox et fama. Item ponit ut supra: Quod tamquam delyrus et racionis devius in suis dictis puerilis existat, hoc est publicum et verum. Item ponit ut supra: Quod idem Adam est homo pannosus et nichil in bonis habens et ideo vehementer suspectus, hoc est publicum et verum. Item ponit ut supra: Quod dominus Nicolaus Kawrofki testis decimus pro parte qua supra productus se dicit decimas Campestres in Iancowicz et Ruda per annos quinque percepisse, hoc est publica vox et fama. Item ponit ut supra: Quod dictus dominus Nicolaus per tres annos dumtaxat ecclesiam rexit in Stanicz supradictam palam, publice et notorie. Item ponit ut supra: Quod domi-nus Nicolaus supradictus dominum Laurencium suum dixit predecessorem, hoc est publicum, notorium atque verum. Item ponit ut supra: Quod dictus dominus Laurencius non predecessor domini Nicolai supradicti sed suus successor existebat, hoc est notorium atque verum. Item ponit ut supra: Quod Paulus Brodaczsch, Stanko Clapicz, Miczko Cirsibuk, Micola Guschko pro parte qua supra producti cum Adam suo conteste in deponendis testimonijs sunt colloquti, hoc est palam publicum et notorium. Item pouit ut supra: Quod dicti testes ex dicti Adam informacione deposuerunt ac suum testimonium formaverunt, hoc est publica vox et fama. Item ponit ut supra: Quod dicti testes per Iuramentum deposuerunt, se non fuisse colloqutos, hoc est manifestum atque verum. Item ponit ut supra: Quod plebani in Stanicz decimas de quibus supra ex largicione, liberacione et gracia Abbatis et Conventus predictorum ad tempora perceperunt, hoc est notorium atque verum. Item ponit ut supra, quod de premissis omnibus et singulis est publica vox et fama. Et protestatur procurator predictus, quod dictas posiciones et Articulos possit corrigere, addere, minuere, declarare, interpretari et si necesse fuerit alias de novo dare, prout est moris.
Responsionibus personalibus ad easdem in scriptis subsecutis et tandem super Articulis negatis nonnullis testibus ad probandum inductis, quibus iterum rite receptis. examinatis et ipsorum dictis sive Attestacionibus sollempniter publicatis, contra quorum testium dicta et personas fuerat per procuratorem dicti domini plebani iuxta protestaciones debitas tempore publicacionis eorumdem de Iure excipiendi factas in scriptis legitime exceptum, et consequenter Sindico et procuratoribus dictarum parcium in causa concludi petentibus, nos cum eisdem conclusimus in causa et habuimus pro concluso, diem quoque nobis hodiernam ad sentenciam diffinitivam proferendam, duximus pro termino statuendum. Visis igitur actis coram nobis in presenti causa actitatis et productis diligenter Ipsisque rite recensitis ac equa iusticie lance discussis, deliberacione nobiscum super premissis prehabita diligenti per ea que vidimus et cognovimus et nunc cognoscimus et videmus, Sindico et procuratoribus dictarum parcium coram nobis constitutis et sentenciam diffinitivam a nobis ferri petentibus hinc et inde, Christi nomine invocato pro tribunali sedentes et habentes pre occulis solum deum per hanc nostram diffinitivam sentenciam, quam in hijs scriptis ferimus, pronuncciamus, decernimus et declaramus prefatas decimas campestres de predic-tis villis provenientes ad prefatos dominos . . Abbatem et . . Conventum ipsorumque Monasterium a tempore fundacionis predicti Monasterij pertinuisse et spectasse, pertinere et spectare dictosque dominos . . Abbatem et . . Conventum in possessione dictarum decimarum fuisse, fore et esse prefatumque dominum Nicolaum predictos dominos . . Abbatem et.. Conventum in possessione dictarum decimarum inquietasse et impedivisse et impedire minus iuste. Et ob hoc huiusmodi decimas prefatis dominis . . Abbati et eius . . Conventui adiudicandas fore et adiudicari debere et adiudicamus quantum in nobis est, prefatoque domino Nicolao super eisdem decimis silencium perpetuum inponimus per presentes. Item pronuncciamus, decernimus et declaramus prefatos dominos . . Abbatem et . . Conventum ab impeticione predicti domini Nicolai absolvendos fore et absolvi debere et absolvimus quantum in nobis est per presentes. condempnacionem expensarum ex causa probabili obmittentes. Lecta, lata et in scriptis pronuncciata est hec nostra diffinitiva sentencia per nos . . Georgium Fulschussil Canonicum Othmuchouiensem et Officialem Wratislauiensem prefatum die decima sexta Mensis Februarij in Consistorio Wratislauiensi hora terciarum vel quasi, Sub anno domini Millesimo Trecentesimo Nonagesimo secundo, Presentibus Scientificis et discretis viris Nicolao Taczaw, Iohanne Reynoldi, Iohanne Wingasse, Nicolao de Sprottauia Magistris et advocatis, Nicolao Martini de Olsna, Petro de Landiscrona, Iohanne Michelaw et Nicolao deThost clericis et notarijs publicis Consistorij Wratislauiensis ac Conrado Czyps nostro notario publico testibus ad premissa. In quorum omnium et singulorum fidem et testimonium premissorum Sigillum nostrum presentibus est appensum.

An einem Pergamentstreifen hangt das Siegel, rothes Wachs in einer Schale von gewöhnlichem gelblichen Wachse. Dargestellt ist Johannes der Taufer in halber Figur über einer Mauer, und in einer bogenförmigen Oeffnung derselben eine kniende Gestalt, mit der Umschrift: S. GEORGI, FVLSCHVSSIL. CAN. OTHM. OFFIC. WRA.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.